當「龍眼」在西人街

沉寂十三日 .我終於肯走出半頹廢同無聊既狀態再次更新個人動向

「你不必訝異, 更無須歡喜」

更新不一定代表生活有了起色, 變得更精彩
只是小女必需打點東西來調劑身心



學校迎新活動不多說, 反正就是全校免費早午餐多的是, 重點是.....
我被一條貌似熟透的香腸騙了純真的舌頭。 一咬開..嘿...溢出血淋淋的膻味
可幸是豬肉腸.  否則我會用滿口中國音的英文跟他拼了
所以說, 天下哪有免費午餐 ?


廢話連篇一輪, 是時候轉入正題
要了解正題, 你必先要明白題目開首「」既兩隻字
咩係「龍眼」呢 ?

A. 果皮褐色, 小顆白肉, 黑核
B. 中國南方盛產的生果
C. 可補血安神


如果你認同哂以上答案, 恭喜哂你!
我可以好肯定: 你係一個正常人。 :-)
係差緊少少創意 ...

因為我 e c 係我有 「龍的傳人」既「眼睛」
哈! 哈! 哈! 千祈真係千祈唔好因為妒忌我既創意而過份激動。
例如: 憤怒拍打電腦桌 / 向本人父母問好 / 失控大笑 等等.

了解完「龍眼」, 我地可以正式入西人街

係人都知, 西人街係我老作俾佢既名, 實際上佢位於Melbourne City既Franklin Street附近
叫Queen Victoria Market, 正式個門牌就梗係唔係咁啦
但我眼見棟野唔多靚, 所以冇特別影低
由於前日朝晨咁早九點半未食早餐就出發 , 去到係咁嗌 "肚餓"

行左無耐撞到佢, 四個人企左係度忐忑一陣, 都係買左
最好笑係佢標價 6 for $6, 正常人一定諗: 丫!咁買法即係平d啦
點知開口問佢1個幾$, 居然話: A bug for 1
我講完 Thanks 之後, 心裡面真係晴天霹靂 -0-

沒有照出熱呼呼的感覺, 當時是新鮮出爐的

 

朋友話這個東甩出名多草莓醬, 你地話呢~~?



腳步有D急, 微距下又手震影到一手朦到咁既糖, 其實幾好味架個甩

但我真心想問既係... 到底美國係咪興呢種 filled doughnut ?
定係d鬼佬真係好中2食doughnuts?

係HK執左既Krispy Kreme係呢度都搵得返

未黎之前, 我特登上網睇佢個official site, 講到呢度好似好正咁
而我對佢既幻想就係 : 跳蚤市場 或者 外國花園街 

現實係, 呢個market = 鴨寮街 + 街市 + 一堆夜冷鋪

d野仲要係你見到都唔會想買

我真係夠膽擔保行勻成個街市, 最值得買既係......... 雞!

等我同你計下條數, 活雞香港冇得買, 呢度20蚊3隻, 圍起黎即係
AUD$20  x 7.8 / 3 = HKD$ 156 /3 = $52 大大隻, 仲要鬼咁大隻, 係值得買架!

除左雞之外, 個人推介係度買生果都係唔錯既選擇
D人成日話鬼佬特別高 / 大隻.
雖然我都幾認同, 但我要提出多一樣野
唔知咩事佢地種D野都寧舍大舊過人 .

呢個無核西果基本上大過兩個我既頭 (如果你識我, 應該知我出名大頭)

西瓜成為我係呢條西人街既最後一個景點-.-
午飯過後, 帶住支力到爆既軀體搭電車去左homestay推介
可以執到平野既地方


D- Direct, F-Factory, O-Outlet

如果頭先Victoria Market 係市中心臭河既北面d
DFO就會係南面.
顧名思義, 呢度好似大過 東薈城3-4倍既開倉區答
唔知係我太支力定係款 / 價唔岩, 總之都係一無所獲
黎之前我仲要拎住張map死搵爛搵電車 / 巴士點搭黎
最尾都係要靠開口問人
我都唔知應唔應該用失望黎代表當日既心情




一連串遊歷後, 結論是
「龍眼」實在未開, 會繼續努力係讀書以外既時間搵地方玩樂!

新開始

哈哈哈。

開呢個網誌係特登俾你地睇架。
唔好問我點解唔用Facebook 來更新近況.
其實諗都諗到，一句 status 係好難講得清楚我既生活

咁相 加 Caption 呢?

er..... 一樣啦.... 始終caption只係短句
雖然我最近個 album "北半球對面" d 相已經勁多形容
更何況一張相係講唔得哂好多野
或者有人得既, 恕我道行未夠高


雖然我唔知而家仲有冇人有心機睇日記
我都希望呢度可以令我地唔使send email / inbox 就可以直接溝通
你地中2可以留言,等我都可以知你地而家點樣
咁年半後應該都冇咁生疏卦







*

so my journey starts here


本來我想學人自拍生活照俾你地睇.
但由於我而家皮膚敏感, 訓極都好殘  (拿! 求下你地唔好格硬講到係本身既問題呀下)
所以我廢事影完破獲哂成件事個feel
等遲下食完藥好返再影過啦


大家可能會擔心我以下幾個問題:

1. 社交圈子

呢方面, 我要多謝神俾我有把口, 一棚牙, 識得講野同笑       ---------  講笑
我已經識到幾個朋友仔
不過唔洗太期待, 佢地唔係白人
我仲未可以達到大家想我識個鬼佬嫁左佢既目標
令大家失望係我既錯! 我會繼續努力 :P
至於教會, 我個host好好, 帶左我去一間叫Crossway既教會
黎緊星期6會去參與當地留學生的小組
希望我會融入到啦


2. 本人既體重

哈! 真係講你都唔信, 我個 host 差不多都每餐都 2+3+4
仲要係中國菜, 我白飯,  水果, 飲水, 係咪好健康?
我係度仲食得食少過係香港, 幾乎係 0 零食
只要我一日未係自己搬出去住, 我諗我唔會肥
瘦就有我份 @0@

咪就係好似果日返完學校, 我都不過食home-made熱狗咋




3. 交通

基本上呢度冇私家車,就係單車, 冇單車, 就巴士, 冇巴士, 就火車
大致上個 network 就係以下個圖

明唔明？
即係由一個shopping centre 去另一個, 中途經火車站 或 直接去火車站

仲有D鬼佬巴士鬼咁準時, 如果我一遲左少少出門
分分中等勁耐都冇車, 撞正中午, 真係曬到隻狗咁
琴日本人趕得滯, 架巴士黎到我都未搵到飛又熱
嗌錯左要咩飛, 俾個司機鬧.. -.-
點知一坐低先發現自己原來係有帶飛.
洗多左成$ 2.8, 兌返已經成 HKD$20

(俾我係香港已經用黎食左5-9 老Mc 廿蚊餐-_-)

4. 學業

丫. 我而家有個煩惱就係timetable clash到一 pat 野咁
我幾經辛苦drop走 Film studies , add返個Behaviourial Studies落去
耐何同 major 科clash左, 但我又好唔想放棄佢
唉, 為我祈禱吧! 我唔識仲可以揀咩科.



最後 我要感恩

感恩上帝帶領.

如果沒有祂, 也許我不會/不能選擇這條路

我也堅信過去九個月, 是祂供應我所缺乏的

特別是我的信心

"耶和華是我的牧者,我必不至缺乏"

等我係呢年半繼續信靠上帝,指引我做每個決定啦 :)